ಒಂದು ನಿರ್ದಿಷ್ಟ ಭೂಪ್ರದೇಶದಲ್ಲಿ ವಾಸವಾಗಿರುವ ಬೇರೆ ಬೇರೆ ಜನವರ್ಗಗಳಲ್ಲಿ ಪ್ರತಿಯೊಂದು ಸಮಾಜದ ಜನತೆಗೂ ತನ್ನದೇ ಆದ ಚರಿತ್ರೆ, ಸಂಸ್ಕೃತಿ, ಪದ್ಧತಿ, ಪರಂಪರೆ ಇರುತ್ತದೆ. ಹಾಗೆಂದು, ಇನ್ನೊಂದು ಸಮಾಜದೊಂದಿಗೆ ಸಂಬಂಧ, ಸಹಕಾರ, ಸಾಹಚರ್ಯಗಳಿಲ್ಲದೆ ಯಾವುದೇ ಜನಾಂಗ ಸರ್ವತಂತ್ರ ಸ್ವತಂತ್ರವಾಗಿ ಇರಲಾರದು. ಭಿನ್ನ ಭಿನ್ನ ಸಮಾಜಗಳ ಸಂಸ್ಕೃತಿ ಸ್ವರೂಪಗಳಲ್ಲಿ ಹಲವು ಸಾದೃಶ್ಯಗಳಿರುವ ಸಾಧನೆಗಳಿರುವುದು ಸಹಜ. ಈ ಸಾದೃಶ್ಯಗಳ ತಿಳುವಳಿಕೆಯೂ ವಿವಿಧ ಸಮಾಜಗಳ ಸಾಮರಸ್ಯದ ದೃಷ್ಟಿಯಿಂದ ಮುಖ್ಯವಾಗುತ್ತದೆ. ಹಾಗಾಗಿ ಯಾವುದೇ ಸಮಾಜವು ಬೆಕ್ಕಿನ ಬಿಡಾರ ಬೇರೆ ಎನ್ನುವಂತೆ ಬಾಳುವಂತಿಲ್ಲ. ಎಲ್ಲಾ ಸಮಾಜಗಳ ಸಂಸ್ಕೃತಿ, ಚರಿತ್ರೆಗಳನ್ನು ಸಮೀಕರಿಸಿದಾಗ ಆ ಪ್ರದೇಶದ ತಕ್ಕಮಟ್ಟಿನ ಪೂರ್ಣ ಪ್ರಮಾಣದ ಚರಿತ್ರೆ, ಸಂಸ್ಕೃತಿಗಳ ಒಂದು ಚಿತ್ರ ಲಭ್ಯವಾಗುತ್ತದೆ. ಹಾಗಾಗಿ ನಿರ್ದಿಷ್ಟ ಸಮಾಜವೊಂದರ ಜನಾಂಗಿಕ ಆಧ್ಯಯನ ಎಂಬುದು ಪ್ರಾದೇಶಿಕ ಸಂಸ್ಕೃತಿ ಆಧ್ಯಯನದ ಒಂದು ಭಾಗವೆನಿಸುತ್ತದೆ.

ಬಿಲ್ಲವ ಸಮಾಜದ ಆಧ್ಯಯನ ಎಂಬುದು ಕೇವಲ ತುಳು ಸಂಸ್ಕೃತಿಯ ತಿಳುವಳಿಕೆಯ ಭಾಗ ಮಾತ್ರವಲ್ಲ ಅದು ವಿಶಾಲಾರ್ಥದಲ್ಲಿ ಕರ್ನಾಟಕ ಸಂಸ್ಕೃತಿಯ ದೇಸೀ ಜ್ಞಾನಕ್ಕೊಂದು ಕೊಡುಗೆಯೂ ಅಹುದು. ಬಿಲ್ಲವ ಸಮಾಜದ ಜಾತಿ ಸಮಾಜಗಳು, ಈಡಿಗ, ನಾಮಧಾರಿ, ಹಳೇಪೈಕ, ಎಂಬ ಹೆಸರಲ್ಲಿ ಕರ್ನಾಟಕದಲ್ಲೂ, ತೀಯ, ಈಳವ ಎಂಬ ಹೆಸರಲ್ಲಿ ಕೇರಳದಲ್ಲೂ ಇರುವುದರಿಂದ ಈ ಸಮಾಜದ ಅಧ್ಯಯನ ಕಕ್ಷೆ ಇನ್ನಷ್ಟು ವಿಸ್ತಾರಗೊಳ್ಳುತ್ತದೆ. ಪ್ರಕೃತ ಇಲ್ಲಿ ತುಳುನಾಡಿನ ಬಿಲ್ಲವರ ಆಧ್ಯಯನಕ್ಕಷ್ಟೇ ಕೃತಿಯನ್ನು ಸೀಮಿತಗೊಳಿಸಲಾಗಿದೆ.

ಪರಿವಿಡಿ :
1. ಅಧ್ಯಯನದ ಉದ್ದೇಶ ವ್ಯಾಪ್ತಿ ಸ್ವರೂಪ
2. ತುಳುವ, ತುಳುನಾಡು, ಇತಿಹಾಸಕ್ಕೆ ಆಕರಗಳು
3. ವಿದೇಶಿ ಆಕರಗಳು
4. ತುಳುನಾಡಿನ ಇತಿಹಾಸದಲ್ಲಿ ಬಾಸೆಲ್ ಮಿಷನರಿಗಳು
5. ಬಿಲ್ಲವರು ಯಾರು ?
6. ವಿದೇಶಿಯರ ಬರವಣಿಕೆಗಳಲ್ಲಿ ಬಿಲ್ಲವರು
7. ದೇಶೀಯ ಲೇಖಕರು ಕಂಡಂತೆ ಬಿಲ್ಲವರು
8. ತುಳು ಜನಪದ ಸಾಹಿತ್ಯದಲ್ಲಿ ಬಿಲ್ಲವರು
9. ಬಿಲ್ಲವರ ವೃತ್ತಿ (ಉದ್ಯೋಗ)
10. ಬಿಲ್ಲವರ ಬರಿಗಳು (ಬಳಿ) ಉಪನಾಮ
11. ಆರಾಧನೆ
12. ತುಳುನಾಡಿನ ಮಲಯಾಳಿ ಬಿಲ್ಲವರು
13. ಬಿಲ್ಲವರ ಆಚರಣೆಗಳು ಹಬ್ಬಗಳು
14. ಬಿಲ್ಲವ ಸೇನಾ ನಾಯಕರು (ನಾಯ)
15. ಬಿಲ್ಲವರ ಗುತ್ತು, ಬರ್ಕೆ-ಅರಸು ಮನೆತನಗಳು
16. ಬಿಲ್ಲವರ ವಲಸೆ
17. ಬ್ರಹ್ಮ ಸಮಾಜ ಮತ್ತು ಬಿಲ್ಲವರು
18. ಮುಗೇರರು ಮತ್ತು ಬಿಲ್ಲವರು
19. ಬಿಲ್ಲವರು ಮತ್ತು ಜೈನರು
20. ಬಿಲ್ಲವರು ಮತ್ತು ಪ್ರೊಟೆಸ್ಟಂಟ್ ಕ್ರೈಸ್ತರು
21. ತುಳುನಾಡಿನಲ್ಲಿ ವ್ಯಾಪಾರ ಹಾಗೂ ಕೈಗಾರಿಕೆಯಲ್ಲಿ ಬಿಲ್ಲವರು
22. ಮರೆಯಲಾಗದವರಿವರು
23. ಬಿಲ್ಲವರ ಅವನತಿ
24. ಪರಿಸಮಾಪ್ತಿ
25. ಆಕರ ಗ್ರಂಥಗಳು
26. ಚರಿತ್ರೆ ಹೇಳುವ ಚಿತ್ರಗಳು