ವಿಶ್ವ ಖ್ಯಾತಿಯ ನೈಜಿರಿಯಾ ದೇಶದ ಕಾದಂಬರಿಕಾರ ಚಿನುಅ ಅಚಿಬೆ ಅವರ Things Falling Apart ಎಂಬ ಕಾದಂಬರಿಯನ್ನು ಲೇಖಕ ಡಾ. ಸಿ. ನಾಗಣ್ಣ ಅವರು ಕನ್ನಡಕ್ಕೆ ಅನುವಾದಿಸಿದ್ದಾರೆ. 'ಭಂಗ' ಎಂದರೆ ಮಾತು ಅಥವಾ ಶಬ್ದ ಮುರಿಯುವಿಕೆ. ಯಾವುದನ್ನೇ ಆದರೂ ಮುರಿಯುವುದು, ತುಂಡು ಮಾಡುವುದು, ಕೊಂಕು, ಕಪಟ ಹೀಗೆ ನಾನಾ ಆರ್ಥಗಳನ್ನು ನೀಡುತ್ತದೆ. ಕಬ್ಬಿಣದ ಕುದುರೆಗಳನ್ನೇರಿ ಬಂದ ಪರಂಗಿ ಪಾದ್ರಿಗಳು ಹಾಗೂ ಸುವರ್ಣಗಡ್ಡೆಯ ಕೃಷಿಕರಾಗಿದ್ದ 'ಇಬೋ' ಬುಡಕಟ್ಟಿನವರು ಸಂಸ್ಕೃತಿಯನ್ನು ನಾಶಗೊಳಿಸುವುದು ಈ ಕಾದಂಬರಿಯ ಮೂಲ ವಸ್ತು. ನಿರೂಪಣಾ ಶೈಲಿ, ಪಾತ್ರಗಳ ಸೃಷ್ಟಿ, ಸನ್ನಿವೇಶಗಳ ಜೋಡಣೆ ಇತ್ಯಾದಿ ಸಾಹಿತ್ಯಕ ಅಂಶಗಳಿಂದ ಈ ಕಾದಂಬರಿಯು ಓದುಗರ ಗಮನ ಸೆಳೆಯುತ್ತದೆ.