ಪುಸ್ತಕ ಓದಿದ್ದಕ್ಕೆ ಪುಸ್ತಕವೇ ಸಾಕ್ಷಿ DIVAKARA (S) ಎಸ್. ದಿವಾಕರ್‌ creator text xu| Bengaluru Ankita Pustaka 2015 monographic ng Kan nad 150 ‘ಪುಸ್ತಕ ಓದಿದ್ದಕ್ಕೆ ಪುಸ್ತಕವೇ ಸಾಕ್ಷಿ’ ಲೇಖಕ ಎಸ್. ದಿವಾಕರ್ ಅವರ ಪ್ರಬಂಧ ಸಂಕಲನ. ಕತೆಗಾರ ಅಗೂಸ್ತೋ ಮೊಂತೆರ್ರೋಸೊ ಒಂದೇ ಒಂದು ಸಾಲಿನ ಸಣ್ಣಕತೆಯೊಂದನ್ನು ಬರೆದಿದ್ದಾನೆ. ಅದರ ಬಗ್ಗೆ ಸಾಕಷ್ಟು ಚರ್ಚೆ ನಡೆದಿದೆ. ಅತ್ಯುತ್ತಮ ಕೃತಿಗಳ ಜೊತೆಗಿಟ್ಟು ಚರ್ಚಿಸಿದ್ದು, ಈ ಚರ್ಚೆ ಒಂದು ತುದಿಯಾದರೆ, ಇದು ಕತೆಯೇ ಅಲ್ಲ ಎಂಬುದು ಇನ್ನೊಂದು ತುದಿ. ಮೊಂತೆರ್ರೋಸೊ ಸಂದರ್ಶನ ಒಂದರಲ್ಲಿ ಇದರ ಬಗ್ಗೆ ಪ್ರಸ್ತಾಪಿಸುತ್ತ 'ನಿಜ, ಇದು ಸಣ್ಣಕತೆ ಅಲ್ಲ, ನಿಜಕ್ಕೂ ಒಂದು ಕಾದಂಬರಿ' ಎನ್ನುತ್ತಾನೆ. ದಿವಾಕರ್ ಅವರ ಪ್ರಬಂಧಗಳನ್ನು ಓದುವಾಗ ಅವರೇ ಉಲ್ಲೇಖಿಸಿರುವ ಈ ಪ್ರಸಂಗ ನೆನಪಾಗುತ್ತದೆ. ಇವು ಪ್ರಬಂಧ ಮಾತ್ರವಲ್ಲ, ನಿಜಕ್ಕೂ ಇವು ಕತೆ, ಕವಿತೆ, ವ್ಯಕ್ತಿಚಿತ್ರ, ಪ್ರಬಂಧ, ಲೇಖನ ಎಲ್ಲವೂ ಹೌದು. ಆಧುನಿಕ ಸಾಹಿತ್ಯದ ಮುಖ್ಯ ಬೆಳವಣಿಗೆಯೆಂದರೆ ಪ್ರಕಾರಗಳ ಹಂಗು ಮೀರಿದ್ದು. ದಿವಾಕರರ ಪ್ರಬಂಧಗಳನ್ನು ಓದುವಾಗ ಕೆಲವೊಮ್ಮೆ ಕವಿತೆ ಓದಿದ ಅನುಭವವಾಗುತ್ತದೆ; ಕೆಲವು ಕಡೆ ಕತೆ ಓದಿದ ಉಲ್ಲಾಸವಿರುತ್ತದೆ. ಮಗದೊಮ್ಮೆ ಪ್ರಬಂಧದ ಲಹರಿಯಿದೆ. ಇನ್ನು ಕೆಲವೊಮ್ಮೆ ಅತ್ಯುತ್ತಮ ಲೇಖನದಂತೆ ಅರಿವಿಗೆ ಹಾದಿ ಮಾಡಿಕೊಡುತ್ತದೆ. sakshi pustakave Pustaka odiddakke K894.4 DIVP 210210 20251107163416.0